Vlerësimi i nxënësve

VLERËSIMI:

Është  proces i mbledhjes  sistematike, dhe  i interpretimit të informatave me qellim të përcaktimit se në çfarë shkalle nxënësi i ka zotëruar objektivat udhëzuese.

Parimet themelore të vlerësimit:

1. Përcaktimi i qëllimit dhe priorioritet në vlerësim
2. Zgjedhja e teknikave
3. Zbatimi teknikave
4. Dobësitë e teknikave
5. Vlerësimi është një rrugë drejtë një fundi, por jo fund në vetvete.

Llojet e vlerësimit:

• Vlerësimi klasifikues: ta përcaktojë pozitën e nxënësit në raport me objektivat.
• Vlerësimi formues: nuk shfrytëzohet për notim por për përmirësim të mësimnxënies.
• Vlerësimi diagnostikues: përcakton shkaqet e qëndrueshme të problemeve në mësimnxënie.
• Vlerësimi përmbledhës – i kombinuar: për notimin dhe certifikimin e nxënësve për të gjykuar përvetësimin e objektivave dhe efektin e programit mësimor.
• Vlerësimi individual: përdoret kur numri i nxënësve është jo i madh.
• Vlerësimi ne grupe: përdoret në nivel të shkollës, në nivel të komunës, në nivel te garave dhe në nivel kombëtar.

Qëllimi i vlerësimit është përcaktimi i statusit të nxënësit.

Planifikimi i një orë mësimore

Elementet e planifikimit të një orë mësimore:

1. Objektivat mësimore
2. Procedurat mësimore
3. Mjetet mësimore
4. Procedurat për vlerësim te nxënësit

Formulimi  i objektivave:

• Objektiva te përgjithshme
• Objektiva specifike

Synimet: janë pritshmëri afatgjata, më të përgjithshme që pretendohet të arrihen në një të ardhme të largët.

Qëllimet: janë  pritshmëri më afatshkurta të përgjithshme.

Objektivat: janë deklarata më specifike, pritshmëri afatshkurtra, me rezultate konkrete që arrihen brenda orës mësimore. Objektivat duhet t’i kenë këto karakteristika:

• Veprimin: shprehje me ane te foljes vepruese (aktivitet).
• Kushtin: vendi, koha, materiali i nevojshëm  dhe mënyra se si duhet të realizohet veprimi.
• Kriterin: shkalla e saktësisë (sasisë dhe cilësisë) së përmbushjes së një objektivi.

Pjesët kryesore të orës  janë:

• Evokimi: dijet paraprake të te nxënit që përcaktojnë qëllimin e kërkimit.
• Realizim – kuptimi: nxënësit  marrin informacione të reja.
• Reflektim – kuptimi: nxënësit përforcojnë të nxënit e ri dhe në mënyrë aktive rindërtojnë skemat e tyre të të menduarit, që siguron nxënie të qëndrueshme.